Felaket im

Felaket im Ji Weşanên Lîsê Derket!

buonasera delalê 

ji araqa herî biçûk piçek bahoz û felaket  

min zebeş jî kir paşila xwe 

penêrê qerejdaxê jî heye   

bila êvar bi ser te ve neçe 

hê em ê herin daweta mitriban  

Felaket im, ne zimanê keder û qederê ye, lê zimanê serîhildanê û sewdayê ye. Di nav kolanên bajaran de, di nav şewateke bêbav de zîl daye û bi şikl û awaza xwe dertê hemberî her dilî û her hişî. Her helbestê, xwe bi helbesta piştî xwe temam kiriye. Gava helbest bi dawî dibin, tiştê ku tê ser zar û ziman, ar û agir e.     

Çayan Okuduci, bi awaz û nêzikatîya xwe, cihê xwe dîyar dike û dibe; “Ez li vir im.”

Çayan Okuduci • li Farqînê ji dayik bû. Di pênc salîya xwe de bi sedema kontrayan û cehşan malbata wî koçî Amedê kir. Di dibistanên mêtîngeran de heta lîseyê xwend. Paşê di nozdeh salîya xwe de ji Amedê koç kir çû Stenbolê. Xwendinên sê zaningehan bi dawî nekir. Gelek helbestên wî di kovarên Tirkî û Kurdî de hatin belavkirin. Gelek helbestên wî ji bo zimanê bîyanî hatin wergerandin. Bi du zimanan, Kurdî û Tirkî, dinivîse. Li ser helbest, roman û civakê nêrîn û analîzên xwe di malparên dîjîtal û kovarên çapkirî de weşandin û vê yekê didomîne. Hê jî li KurdStenbolê dijî.