Omerîya Mîrsom

Şerefxan Cizîrî di vê pirtûka xwe a bi navê Omerîya Mîrsom de hewl daye ku pergala eşîrtîyê  a li herêma Mêrdîne bi rêbazên zanistî bi civaka Kurdan bide naskirin. Li ser Eşîra Omerîyan bi hûrgilî rawestîyaye û derheqê Eşîra Omerîyan de zanebûnên berfireh, bi baldarî pêşkêşî xwendevanan dike.  Lêkolîner, ew jêderkên heyî nirxandine û kêmasîyên wan, dîtinên şaş û pêşdarazînên ku di derbarê Eşîra Omerîyan de hene raxistine ber çavan. Armanca sereke ji bo nivîskar her ev bûye; di derbarê civaka eşîrtîya Kurdistanê de zanebûnên rast derxin pêş û bibe alîkar ji bo ku Kurd xwe hîn baştir nas bikin.

Şerefxan Cizîrî, ji bedêla ku gazinan ji tarîtîyê bike, dixwaze findekê  ji bo welatê xwe pêxîne.

Şerefxan Cizîrî • Sala 1955’an li Mêrdînê hatiye dinyayê. Piştî kutakirina dibistana amadeyî di sala 1975’an de çûye Swêdê û li wir lîsansa xwe di Beşa Zanistên Sîyasî û Tarîxê de kiriye. Piştî 25 salan vegerîyaye welêt û ji sala 2001’ê û vir de bi malbata xwe re li welêt dijî.