Matmayînên Ronyayê

Matmayînên Ronyayê ya Lal Laleş, dîwana ku bi hêz û şîyana dawerivandina Kurdî ve xwe li kûrahîyên zimên radikişîne, movik bi movik, kurt û Kurmancî bi pêş de tê, ji 20 helbestên kurt ên ku bi lalîya xwe dipeyivin pêk tê. Ev helbest di nava qewareya xwe ya teng de naverokên berfireh radiçînin, pevgirêdanên helbestî yên xef î qewîn li tevnê dixin û xwendevanê jîr û jêhatî di nava mîtosên çi gerdûnî çi jî Kurdewarî re dibe pabendê qanûnên deqên helbestî, yên ku di sercema xwe de dibêjin:

Dil û destên ku havînan

Axa sor dirijand bi dû oxira herfen reqifi de

Îro hewl didin ku vekin wan gorên zemanê dêran, milkê wêran

Azad bikin wan parsûyên qalind ên wan telebeyên paqrewan

Lal Laleş  •  Helbestkar, wergêr, weşanger. Di sala 1975’an de li Qosera Mêrdînê ji dayîk bû. Zankoya Dîcleyê, Fakûlteya Perwerdeyê, Beşa Dîrokê kuta kir. Di navbera salên 1993-2006’an de li şanoyên bi navê Tiyatro Anadolu, İmgesel Düşler û Teatre Orient wekî dramatûrg, rejîsor û rêsveberê hunerê yê giştî xebitî. Bi navê Nora İstanbul Bir Hiçtir(2021) û Gidenleri Rahat Bırakma Klavuzu Kalanları Rahat Bırakma Klavuzu (2024) du pirtûk bi Tirkî nivîsandine. Niha li Weşanxaneya Lîsê wekî gerînendeyê giştî yê weşanê bi xebatên xwe berdewam e.