Xweşîya Bi Êş

Di civak, malbat, tevn, tore, pergal, gerdîşa kevneperest de rêwingiya giyanî ya jineke ku ne dikare û ne jî dixwaze mêytîbûna xwe înkar bike û ne jî ji ber van teşeyên hanê yên civakî û exlaqî nikare kefenê şermoktîya xwe biçirîne da ku him karibe xwe wekî xwe qebûl bike û him jî xwe wisa bide qebûlkirin.

Bavê Nazê di "Xweşîya Bi Êş" de bi Sûlav û Mîdyaya hevala wê, kaya kevn a hest û hizrên jinan ên ku hatine veşartin, ji nû ve li ber bê dixe û bi vê re em dibînin ku Sûlavê bêyî ku guh bide tevn û toreyên civakî dide dû dilê xwe, ligel ku têdigihêje bi êş e jî ji wê xweşiyê venagere.