Govenda Lı Ber Mırınê

Berhema Bavê Nazê ya bi navê "Govenda Li Ber Mirinê" ji sêzdeh kurteçîrokan pêk tê.
'

'Govenda Li Ber Mirinê'' Bala xwînerên xwe dide nameyeke dilşewat a birakujîyê. Vegotina nivîskar me li trajedîya Kurdan dike mêvan û birînên hestên me yên ku hîn cebar nebûne tevdide.

Xembarî û wê çarenûsa me ya demekê, di giyanên me de niştecî dike.
Bi wê keleka di behra êşan de, nivîskar me bi lehengên xwe re dike hevalê demeke trawmatîk.
Wekî erdhejekê xwîneran dixe bin bandora çîrokê û wan radestî rastîyekê dike.
Piştî kuştina bav û birayê Ehmedî yên Pêşmerge ji hêla rejîma Beisê ve, êdî Ehmedî
bi tu awayî bawerîya xwe ji bilî bi şerê çekdar bi tu tiştekî din nayîne.
Dijberî, nerazîtî û bêbawerîya ku nîşanî wê rewşa dîasporaya Kurdên ku li Ewropayê dijîn dida, em ê di çîrokê de bibînin û em ê bibînin ku bi destpêka şerê birakujîyê re yek ji lehengên vê çîrokê, Ewrûpîyo, bi tu awayî rewşa ku tê de bû qebûl nedikir.

Li paş xwe pasporteke çirandî û dilsozîyeke bi qasî çîyayên Kurdistanê bilind dihêle, paşê xwekuştina Ewrûpîyo wê me li kevîya xeman bike nobedarê wê kêlîyê.

Bi zimanekî gelêrî, fêmbar û rewan, nivîskarê hosta, Bavê Nazê, rûpelên deftera birakujîya xopan ji me re diqelibîne û me arasteyî keserkêşîya wan rojên felaketî dike.