Mem Û Zîn

Bêguman çîroka Mem û Zînê berî Mela Mehmûdê Bazîdî, berhema nemir a helbestkarê mezin Ehmedê Xanî tîne bîra meriv.

Bi rastî jî hem nav û naveroka pirtûkên wan yek e û hem jî Ehmedê Xanî -bi esilê xwe ji Xana Hekarî be jî- mîna Mela Mehmûd, ew jî Bazîdî ye.

Bêguman Mela Mehmûdê Bazîdî di bin bandora Ehmedê Xanî de maye, ku ev yek jî ne qisûr e, çi ku hem Ehmedê Xanî û hem Mem û Zîn îro jî bandorên xwe bi hêz didomînin. Lê girîngîya berhem û guhertoya Mela Mehmûdê Bazîdî ew e ku wî berhema xwe bi pexşanî nivîsîye, ne bi bi awayekî helbestî. Li vir jî, her çiqasî Mela Mehmûdê Bazîdî wekî şagirdê Ehmedê Xanî bê xuyakirin, lê wî mohra xwe li çîrokê daye û ew di qalibekî nû yê pexşanî de ro kiriye û pêşkêşî wêjeya Kurdî kiriye.

Di vê pirtûka cihêwaz de, têgihên ku hemû dinyaya wêjeyê li ser dilerizin, bi hemû giranî û xweşikîya xwe hene.

Mela Mehmûdê Bazîdî ku yek ji pêşengên wêjeya Kurdî ye, bi pexşankirina çîroka 'Mem û Zîn'ê ve, me digihîne asoyên berfireh û efsûnî yên deryaya zimanê Kurdî.