Feqîyê Teyran Û Tûma

Feqîyê Teyran ji çend nivîskarên sereke ên wêjeya klasîk a Kurdî nivîskarek e. Li ber destê me wekî berhem niha dîwaneke wî û du qesîdeyên bi navê Şêxê Se'anîyan û Ey Avê Av hene. Ji van berheman pê ve di nava gel de gelek çîrok û çîvanok hene ku bahsa serpêhatî taybetmendî û jiyana Feqîyê Teyran dikin. Di van çîrokan de bi piranî bahsa zanîna zimanê teyran a Feqîyê Teyran tê kirin. Feqîyê Tayran û Tûma ji van çîrokan çîrokek e ku bahsa zanîna zimanê teyran a Feqîyê Teyran dike ye. Lê xweseriya vê serpêhatîyê ev e ku serpêhatî bi awayekî mantiqî bi qesîdeya Ey Avê Av ve tê girêdan û Ey Avê Av jî beşek ji vê serpêhatiyê bi xwe ye.

Qiseta Feqîyê Tayran û Tûma ji aliyê Mele 'Ebdulahê Xwarikî ve li ser kasetekê hatiye tomarkirin û ji aliyê nivîskar ve hatiye deşîfrekirin. Her çi qas Mele 'Ebdulahê Xwarikî li hin deran devoka xwe bi kar anîbe û di şîroveyan de ji bo têgihîştinê çend tiştên mînak lê zêde kiribe jî, çîrok bê kêmanî û bi şêwaza qesîdeyî hatiye vegotin. Berhem ji du beşan pêk tê; yek jê serpêhatiya Feqîyê Tayran û Tûma ye, a din jî qesîdeya Ey Avê Av e. Ji ber ku di gelek deran de cudayîya qesîdeya Ey Avê Av, a di vê berhemê de û ên berî niha hatine çapkirin de hene, em karin bibêjin ku ev versîyon, versîyoneke din a Ey Avê Av e.