Dayîk

Dayîk jineke malê ye. Erkên jîyana xwe yên herî bilind di bixwedîkirin û perwerdekirina zarokên xwe de û di hezkirina wan û ya mêrê xwe de dibîne. Serê xwe bi sîyaset û ramanên civakî yên mezin naêşêne. Lê qeder wan şîrînên li ber dilê wê yek bi yek bi şêweyekî dramatîk dispêre axa sar. Kurê wê yê nûgihayî wekî tayekî rihanê bi tenê ji dayîka xwe re dimîne. Li welêt şerekî çînî diqewime. Bi ser de jî dijmin dikevin xaka welêt û çavên xwe berdidin xêr û bêrên wê. Dayîk ji bo parastina mêrê xwe û zarokên xwe heta nefesa dawî li dijî şer û cengan e. Hestên dayîka dêya zarokan û hestên dayîka ku bobelata welatê xwe dibîne di vê şanoyê de derbas dibin. Kîjan hest bi ser dikevin? Divê şano tev were xwendin, da ku mirov şerê gîyanî, ê di nava hinavê dayîkê de dikele, bibîne û nas bike, ka dayîk çi biryarê digire.