Newaya Deryavanê Dêrîn

Newaya Deryavanê Dêrîn – The Rime of Ancient Mariner – şahkareke wêjeya Îngilîz û pêla Romnatîk a helbesta cîhanê ye. Samuel Taylor Coleridge bi vê cureya "balada lîrîk" çîroka deryavanekî, Deryavanê Dêrîn, ji me re vedibêje ku keştîya wî bi zora firtoneyê ber bi Cemsera Başûr kaş dibe û piştre jî berê wê dikeve Okyanûsa Pasîfîk. Deryavan û hevalbendên wî di deryayê de rastî albatrosekî tên û piştî kuştina wî balindeyê ya bi destê Deryavan serpêhatîya wan diguhere ser tengeje, xirabî û cezakirinê.

Coleridge, bi zimanê xwe yê efsûnî, ji hêlekê ve xwînerê xwe bi çîroka Deryavan mijûl dike û ji hêleke din ve jî wate û peyama helbestê, barê wê yê alegorîk, sembol û temayên wê bi hostatîyeke mezin peyv bi peyv didarijîne.